Lidhur me incidentin e ndodhur sot në Shkodër ku policia dhe doganat u përplasën fizikisht me tregtarët e duhanit, ka reaguar Drejtoria e Doganave. Gjatë perleshjes fizike, u filmua shefi i Krimit Ekonomik në Shkodër, Pjetin Lazri duke kercenuar me arme tregtaret. Policia ende nuk ka njoftuar zyrtarisht ngjarjen, ndërsa Drejtoria e Doganave thotë se ka qenë në aksion për të luftuar mallrat kontrabandë të akcizës, siç është duhani.
Përmes një komunikate për mediat thuhet se Departamenti Operativ Hetimor të Drejtorisë së Pergjithshme të Doganës në bashkëpunim me strukturat e krimit ekonomik të Drejtorisë së Përgjithshme të Policisë së Shtetit dhe Drejtorise Vendore të Policisë Shkodër ndërhynë në lagjen Rus në Shkodër për goditjen e prodhimit dhe tregtimit në mënyrë të paligjshme të duhanit të grirë për të cilën paguhet akcizë.
Më tej Doganat sqarojnë se “gjatë aksionit iu bllokua disa shtetaseve një sasi duhani e grirë. Ndërsa më tej gjatë vazhdimit të kontrollit për evidentimin e një magazine, tregtarët reaguan në mënyrë të dhushme ndaj punonjësve të antikontrabandës dhe policisë së shtetit”.
Sakaq Doganat thonë se do ta ndjekin këtë çështje në rrugë ligjore, duke paditur penalisht ata që i kërcënuan në detyrë, pra tregtarët ilegal të duhanit në Shkodër. “Nga ana e Drejtorise se Pergjithshme të Doganave për shkak të ushtrimit të dhunen si dhe tregtimit të duhanit të grirë, u bë kallzim penal ne Drejtorine e Policisë Vendore Shkoder për veprat penale prodhim në mënyre të paligjshme të produkteve që paguhet akcizë dhe kundërshtimin e punonjësve të policisë. Bëhet me dije se, vazhdojnë veprimet hetimore për evidentimin e shtetasve që kanë kryer këto vepra penale”, thuhet në njoftim.
Video: momenti i perplasjes fizike
