Janë zbardhur detaje nga incidenti i ndodhur në fshatin Ostren, pas takimit elektoral të Partisë Demokratike, ku dy shtetas xhaxha e nip kanë dhunuar një 33-vjeçar me grushte.
Mësohet se ka qenë deputeti demokrat Xhelal Mziu bashkë me nipin e tij, të cilët kanë ushtruar dhunë ndaj një zyrtari të quajtur Kalosh Murra.
Rastin që raportohet të ketë ndodhur në fshatin Ostren të Bulqizës ditën e djeshme, Policia e ka referuar në Prokurorinë e Posaçme AntiKorrupsion (SPAK).
Mziu është aktualisht drejtuesi i PD-së për qarkun e Dibrës, njëherësh edhe kandidat për deputet në zgjedhjet e 11 Majit, pjesë e listës së mbyllur.
Kujtojnë se ai është paraqitur për herë të fundit në ambientet e SPAK, në Qershor të vitit të shkuar ku u pyet për më shumë se 1 orë në kuadrin e një hetimi për tenderat e pastrimit dhënë në kohën kur ai ishte kryebashkiak i Kamzës.
Ndërsa në 2022-in, demokrati dha deklarime për një tjetër hetim.
