Ministri i Punëve të Brendshme në Kosove, Xhelal Sveçla, ka reaguar lidhur me incidentin e ndodhur ditën e sotme në Mitrovicë, ku disa persona mbetën të plagosur pasi kundërshtuan një aksion të Policisë së Kosovës kundër kontrabandës së mallrave.
Sveçla është shprehur se 8 policë janë plagosur, teksa iu bëri thirrje autoriteteve që të vërë autorët para drejtësisë.
“Kosova sfidohet seriozisht nga krimi, institucionet tona janë të angazhuara të sigurojnë një ambient të qetë. Aksioni i sotëm rezultoi i suksesshëm me konfiskim të mallrave dhe arrestim të kontrabanduesve të tyre e asnjëherë ndaj qytetarëve të tjerë. Tashmë keni informata se janë tetë zyrtarë policorë të lënduar, ftoj institucionet përgjegjëse të reagojnë karshi atyre që sulmuan zyrtarë”, u shpreh ndër të tjera ministri.
