Komuniteti Mysliman i Shqipërisë ka reaguar menjëherë pas incidentit të ndodhur mëngjesin e sotëm, gjatë faljes së Fiter Bajramit, në Sheshin “Skënderbej”.
Një prej përfaqësuesve të KMSH e ka cilësuar këtë incident sporadik dhe që nuk ka të bëjë me besimin.
“Sot është ditë feste, ditë gëzimi dhe ngjarje të tilla nuk i shërbejnë mesazheve të kësaj feste. Incidente të tilla nuk kanë të bëjnë aspak me një besimtar me një mendje të shëndoshë”, ka thënë ai.
Kujtojmë që një person i moshës 40-vjeç u fut sot mes besimtarëve myslimanë në shesh, nën thirrjet “S’ka Zot” dhe tentoi të vetëdigjet teksa ishte i lyer me benzinë./Opinion.al
