TIRANË- Kryeministri Edi Rama ka takuar sot studentët serbë, të vetmit serb që do jenë në Elbasan Arena për të mbështetur skuadrën e tyre që luan përballë Shqipërisë për Eliminatoret “Francë 2015”. Rama komentoi edhe incidentin e mbrëmshëm, ku një 14 vjeçar goditi me gurë autobusin e ekipit serb duke thënë se nacionalizmi është i pashmangshëm. “Më vjen shumë keq që dje një djalë 14-15 vjeç hodhi një gurë drejt autobusit të Serbisë. Kjo tregon se pavarësisht se gjenerata juaj mbart me vete etjen e madhe per ndryshim dhe sjell me vete endrrat e një bote të re, rreziku i nacionalizmit të urrejtjes është i pranishëm gjithmonë”. Kështu u shpreh Edi Rama, ndërsa përfitoi edhe njëherë nga rasti për t’ju drejtuar shqiptarëve me mesazhin për qetësi dhe inkurajim të ekipit tonë, pasi tek e fundit është vetëm një ndeshje futbolli ajo që luhet mbrëmjen e së enjtes në Elbasan Arena mes Shqipërisë dhe Serbisë.
