Policia e Tiranës kreu ditën e sotme një sërë kontrollesh të befasishme, duke arrestuar disa persona mes të cilëve, inxhinierin 36-vjeçar Robert Dauti, i cili akuzohet për veprën penale “Shkelja e rregullave të mbrojtjes në punë”.
Arrestimi i tij vjen një ditë pas shpërthimit të transformatorit elektrik, ku humbi jetën një person dhe u plagosën dy të tjerë.Ekspertët pohuan se transformatori shpërtheu si pasojë e një shkëndije elektrike, ndërsa Operatori i Shpërndarjes së Energjisë Elektrike, sqaroi se kompania private, ishte duke kryer punime në autostradë, kur dy punëtorë të kësaj firme kanë tentuar të shkëpusin rrymën elektrike ne linjën 110 kV të OST, veprim që ka shkaktuar masë.
Dy të plagosurit e tjerë janë në gjendje të rëndë, pranë repartit të djegieve në QSUT./Opinion.al
