Kryeministri Edi Rama është përballur mesditën e kësaj të premte me një incident teksa mori pjesë në Panairin Kombëtar të Sporteve dhe Aventurës.
Kur Rama mori fjalën ai duket se nuk po duronte dot fishkëllimat që vinin nga fundi i sallës. Që në fillim të fjalimit Rama e nisi me propozimin që pjesëmarrësit që po fishkëllenin të ndalonin ose të “shkonin tek një pyll që ndodhej aty afër”: “Së pari kam një sygjerim për disa djem që fishkëllejnë këtu nga kënaqësia. Pylli është këtu afër, mund të shkoni të fishkëlleni. Dhe shumica dërmuese që ka ardhur këtu për të dëgjuar le të dëgjoi.
Dakord bilbila!
Ja ku e keni pyllin, ju dhjetë bilbila që jeni këtu, dilni në pyll, hypni nëpër pemë edhe fishkëlleni. Sepse këtu jemi për turizmin e aventurës, por jemi në një ditë të shquar që është ‘Dita e Rinisë’“, ka thënë Rama teksa vihej re i tensionuar nga situata e krijuar, shkruan opinion.al
Ndërkohë që fishkëllima vazhdoni për gjatë gjithë fjalimit të tij, Rama pas disa minutash ka përsëritur të njëjtën frazë.
“E përsëris, nuk jemi në pyll këtu. Dakord?
Unë nuk hyj tek ata që dorëzohen lehtë dhe ty bilbil që të shoh atje, ti me gjyslyke, që kë gjithë kohës me gishta në fyt është shumë mirë që ti japësh fund këngës së fytit ose të shkosh në pyll. Ja ku e ke pyllin”, ka vazhduar më tej Rama.
Por fishkëllimat vazhdonin akoma nga fundi i sallës teksa Rama po fliste për aktivitetet sportive dhe turizmin e aventurës./ Opinion.al
