Një incident është raportuar se ka ndodhur në një qendër votimit në Veri të Kosovës.
Në komunën e Zveçanit, ka pasur dy tentativa të qytetarëve serb për të votuar me letërnjoftime të Serbisë por ata janë kthyer pasi iu është thënë se janë keqinformuar pasi ka një vendim që thotë se vetëm dokumentacioni i Kosovës mund të përdoret, njofton Klan Kosova.
Kjo gjë ka sjellë një përplasje të komisionerëve mbi mënyrën e votimit.
Ndërkohë Klan Kosova raporton gjithashtu se, kryetari i Listës Serbe, Goran Rakiq, ka marrë me vete 250 persona, kryesisht njerëz të partisë së tij por edhe simpatizantë të kësaj partie, për të votuar kolektivisht në Veri të Mitrovicës.
Pas votimit, Rakiq i cili kësaj radhe është dashur të japë letërnjoftimin e Kosovës. Në një prononcim ai ka thënë se po presin një fitore bindëse dhe po presin t’i marrin 10 vende në Kuvendin e Kosovës. /Opinion.al
