Situata në Egje duket se nuk është e qetë. Sipas mediave greke anija greke e kërkimit të gazit Gjeo Nautical është përballur me ngacmime nga anijet luftarake turke që kur hyri në zonën ekskluzive ekonomike të Qipros të Dielën në mbrëmje.
Anija po vijon kërkimet për interesa të Francës dhe po vazhdon aktivitetet kërkimore për rrugën e mundshme detare të gazsjellësit EastMed në emër të Greqisë, Qipros dhe Izraelit. Sipas burimeve të Ekathimerini, anijet turke iu afruan rrezikshëm Nautical Geo në një distancë prej gjysmë milje.
Ndërkohë të hënën, Ministri i Jashtëm Nikos Dendias, theksoi se “Greqia duhet të thyejë stereotipin e një provincializmi turko-ballkanik në politikën e saj të jashtme” dhe se ajo duhet të “hapë krahët ndaj realitetit të ri”.
Dendias theksoi se në të gjitha kontaktet e tij në Nju Jork ai vuri në dukje se Turqia po lëviz përtej kornizës së logjikës, por këmbënguli që Greqia t’i përgjigjet çdo veprimi provokues me maturi dhe respekt të plotë për të drejtën ndërkombëtare./Opinion.al
