Japonia njoftoi sot se një anije e rojes bregdetare kineze, e cila ishte e pajisur me armatime, ka hyrë në atë që Tokio e konsideron si pjesë të ujërave të saj territoriale, pranë ishujve mjaft të diskutueshën nga të dy vendet në Detin e Kinës Lindore.
“Anija ka avancuar, me dy barka të tjera jo të armatosura, rreth orës 09:30 sipas orës lokale, në zonën që konsiderohet nga ana e Japonisë si pjesë e ujërave të saj territoriale, duke qëndruar për rreth një orë”, bënë të ditur rojat bregdetare japoneze nëpërmjet një deklarate.
”Japonia dhe Kina kanë mosmarrëveshje të vazhdueshme për ishujt e pabanuar në Detin e Kinës Lindore, por është hera e parë që një anije kineze e cila shfaqet e armatosur, mundet të përshkojë ujërat territoriale pranë ishujve Senkaku”, shtuan ato./ata/
