Lëvizja Socialiste për Integrim ka vijuar denoncimet lidhur me aferën e Inceneratorëve. Në një deklaratë për mediat, nënkryetari Petrit Vasili ka akuzuar se toka në pronësi të shtetit i është dhënë koncencionarit për të marrë kredi.
“ Fakte të rënda dalin në dritë për Inceneratorët. Toka në pronësi të shtetit i jepet koncencionarit për ta lënë peng që ai të marrë kredi. Pra toka i jepet koncencionarit që ai ta lërë peng atë te banka. Në nëntor të këtij viti Koncencionari ka marrë 8 mln kredi nga një bankë shqiptare ndërkohë që kishin filluar hetimet, sekuestrimi i dokumenteve, ku ishin tre kallëzime të LSI dhe kallëzimi të treta. Skandali lindi që në kontratë ku në pikën 5.3.2 të saj ti jepet e drejta e përdorimit të shesheve dhe aseteve koncensionarit. Në mënyrë skandaloze institucionet shqiptare, qeveria e pushtetit lokal, Bashkia e Tiranës dhe MIE miratojnë marrjen e 8 milionë eurove kredi nga Klodian Zoto pikërisht në 4 nëntor. Në marrëveshjen e inceneratorëve, thuhej në mënyrën më skandaloze se koncesionari, pra Zoto dhe kompania kishin të drejtë të linin peng dhe kolateral pronat dhe asetet shtetërore”, tha Vasili.
Po ashtu Vasili ka denoncuar edhe atë që ai e quan një tjetër skandal. Sipas tij Bashkia e Tiransë ka marrë 12 automjete me kontratë huapërdorje nga koncesionari i Inceneratorit të Tiranës.
“Skandali dytë tjetër i madh që trajton qartë marrëdhëniet koncesionar-Bashki Tiranë është edhe kontrata për marrjen e 12 automjeteve me kontratë huapërdorje nga koncesionari i Inceneratorit të Tiranës për Policinë Bashkiake me sebepin e pandemisë. Ja ku e keni këtu të firmosur nga Erion Veliaj. Kompania bën dhurata me lekët e inceneratorëve që nuk punojnë.
Koncesionari nuk ka asnjë lidhje me aktivitete që lidhen me shitjen apo dhënien me qira të automjeteve, por ka për detyrë incenerimin dhe trajtimin e mbeturinave sipas marrëveshjes përkatëse.
Dokumentat e provojnë qartë këtë gjë sepse koncesionari i ka marrë ato po me qira nga kompani që kryejnë këto shërbime por këtu vjen edhe një fakt tjetër akoma dhe më interesant”, tha Vasili./Opinion.al
