Politikë

Inceneratorët, Kryemadhi:Grupet kriminale përdorin qytetarët, drejtësia nuk heton



Bëhu pjesë e Grupit Zyrtar të Opinion.al
>> KËTU <<
               Publikuar në : 20:08 - 08/07/22 |
el ida

Kryetarja e Lëvizjes Socialiste për Integrim, Monika Kryemadhi ka reaguar sërish në lidhje me çështjen e inceneratorëve.

Nëpërmjet një postimi të bërë në rrjetin e saj social “Facebook”, Kryemadhi ka thënë se tashmë qytetarët janë qartësuar në lidhje me çështjen e inceneratorëve nëpërmjet materialeve të publikuara pak ditë më parë prej saj.

Ajo tha se për të realizuar vjedhjen e parave të qytetarëve janë përdorur njerëz të pafajshëm nga persona të inkriminuar në bashkëpunim me qeverinë.

“Qeveria thotë se i kanë hetuar kompanitë fiktive në vitin 2018, por shikoni tabelën e mëposhtme që tregon se në vitin 2019, pra 1 vit pas hetimit të tyre, kompania fiktive “Elvis 03 Group”, i ka bërë fatura fiktive kompanisë ITS të Klodian Zoto, në vlerën e 3.5 milionë dollarëve”, thotë ndër të tjera Kryemadhi.

Më tej ajo thotë se qeveria duhet t’i përgjijet katër pyetjeve:

  1. Si ka mundësi që pasi është zbuluar në vitin 2018, kompania “Elvis 03 Group” është lejuar të ketë aktivitet financiar?
  2. A e keni hetuar ITS e Klodian Zoto për këtë aktivitet financiar 3.5 milionë dollarë me një kompani që ju vetë e konsideroni evazioniste, si “Elvis 03 Group”?
  3. Nëse po, a është referuar ITS në prokurori?
  4. Nëse nuk e keni hetuar, urdhri i kujt e ka bërë administratën tatimore të mbylli sytë?”-shkruan Kryemadhi.

Në fund të postimit, Kryemadhi deklaron se ashtu siç bëjnë kryeministrat në çdo vend normal të botës, Edi Rama duhet të japi dorëheqjen pas skandalit të inceneratorëve.

“Unë e di të vërtetën dhe ajo flet qartazi se kjo është skema si Klodian Zoto ka kthyer paratë mbrapsht te qeveritarët që dhanë firmat e paligjshme për inceneratorët.  Qeveria shqiptare është e mirëpritur të përgjigjet, ndërsa drejtësisë së re dhe SPAK në veçanti, nuk i falet të mos veprojë sa më parë kundër kësaj vjedhje të faktuar tashmë me 3 koncesionet e inceneratorëve.  Në çdo vend normal të botës kryeministri duhet të jepte dorëheqjen e menjëhershme pas këtij skandali tashmë të ekspozuar, por arroganca qeveritare e mbështetur tek një aleancë e errët ndër institucionale, mban gjallë iluzionin e shpëtimit nga gjykimi. Faktet do vijojnë të bëhen mal, deri sa faktet të fitojnë mbi peshën e çdo karrige drejtuesi qeverie, bashkie, apo drejtësie”,  shkruan në postimin e saj Monika Kryemadhi.

Pas