Gjatë konferencës për mediat, kryetari i Partisë Demokratike, Lulzim Basha është shprehur se mosreagimi i Prokurorisë së Posaçme Anti Korrupsion për çështjen e inceneratorëve, inkurajon zhvillimin e aferave korruptive.
Kryedemokrati tha se Policia dhe Prokuroria japin informacion për çdo krim ordiner, por për vjedhjen e parave të shqiptarëve me inceneratorët nuk ka asnjë detaj.
“Policia dhe Prokuroria japin informacione të hollësishme për çdo krim ordiner, për aferën e inceneratorëve, asnjë gjë. Edhe pse kjo është afera më e rëndë e shekullit akoma nuk kemi asnjë komunikim apo reagim nga Prokuroria e Posaçme Anti Korrupsion. Kjo inkurajon hajdutët të bëjnë dhe më shumë. 120 mln euro të tjera për kontratat korruptive janë parashikuar në vitin 2021. Këtu ende nuk janë thirrur të dyshuarit kryesor që kanë firmosur aferën. Na vijnë qindra mesazh të vetmit që nuk lëvizin janë Prokurorët e SPAK. Kjo nuk është një betejë mes PS dhe PD dhe as një debat politik, por një aferë përballë një grupi të strukturuar kriminal”, -deklaroi Basha.
Kujtojmë se ditë e sotme PD dorëzoi në SPAK padinë e tretë për inceneratorët. Padia është bërë ndaj kryeministrit Edi Rama, ministrit Arben Ahmetaj, ish-ministrit të Mjedisit, Lefter Koka, Alqi Bllako, Klodian Zoto dhe për Mirel/ Klodian Mërtiri. / Opinion.al
