Në një prononcim për mediat, kreu i Partisë Demokratike Lulzim Basha ka folur edhe një herë për inceneratorët dhe komisionin hetimorë që po merret me to.
Ai u shpreh se komisioni ka zbërthyer mekanizmin se si janë vjedhur paratë. Sipas Bashës, gjysma e kabinetit qeveritar dhe drejtues të rëndësishëm janë të përfshirë në aferën e inceneratorëve.
“Komisioni ka bërë atë çfarë denoncimet e opozitës dhe të gazetarëve nuk arrinin ta bënin të plotë, ka zbërthyer mekanizmin si janë vjedhur këto para. Mekanizmi është i denjë për skenarët e mafies, ku të përfshirë janë gjysma e kabinetit qeveritarë, sekretari i kryeministrisë, drejtorë të rëndësishëm”-tha Basha./Opinion.al
