Gazetari investigativ Artan Hoxha ka zbuluar se policia ka tentuar të arrestojë Klodian Zoton, i cili është shpallur në kërkim nga drejtësia për aferën e Inceneratorëve.
Hoxha ka deklaruar se policia ka pasur informacione që Klodian Zoto ka qenë në Shqipëri dhe jo jashtë vendit dhe madje ka nisur një aksion për arrestimin e tij, por që nuk ka rezultuar me sukses.
Ndërkohë për të shpallurën tjetër në kërkim Stela Gugalljan, Hoxha rezulton ka thënë se fshihet jashtë Shqipërisë.
“Policia ka bërë tentativë për të arrestuar Klodian Zoton, brenda Shqipërisë. Stela Gugallja ndodhet jashtë Shqipërisë. Tentativat e policisë vijnë se ka pasur informacion që ka qenë brenda territorit. Është tentuar që ta kapin brenda. Ka pasur informacion por nuk është bërë e mundur ndalimi i tij. Kemi pjesën e funksionarëve publik por jo biznesmenët. Është në gjysmë historia.” tha Hoxha.
Për sa u përket hetimeve që po vijojnë në SPAK, gazetari Hoxha u shpreh se nën hetim janë figura të larta të politikës.
“Janë nën hetim personazhe të rëndësishëm. Rang ministri dhe ish ministra. Rang të kryetarëve të bashkisë. Ende nuk është vendosur se si do procedohet. SPAK është nën presion në këto momente. Se e ka çuar topin deri tek inceneratori i madh i Tiranës. Po kërkohet deri ku do shkohet. Po testohet SPAK se deri ku i ka limitet. Përpjekja për të prerë fijet e Alqi Bllakos dhe të thuhet se përgjegjësit janë vetëm Bllako dhe Lefter Koka. Por kërkimi vijon.” tha Hoxha.
