Aktualitet

Imzot George Frendo drejt rekuperimit, meshë në spitalin COVID në Itali


Bëhu pjesë e Grupit Zyrtar të Opinion.al
>> KËTU <<
               Publikuar në : 19:53 - 15/11/20 |
Opi Nion

Gjendja shëndetësore e Imzot George Frendo është përmirësuar. Lajmin e ka konfirmuar Konferenca Ipeshkvnore Shqiptare (KISH). Në njoftimin zyrtar bëhet me dije se Frendo është drejt rikuperimit gradual.

Gjithashtu, Konferenca Ipeshkvnore Shqiptare shkruan në njoftim se sot, Imzot George Frendo, ka kremtuar Meshën e Shenjtë në kapelën e repartit COVID bashkë me besimtarët e tjerë që po kurohen nga koronavirusi.

“Nga kontaktet me përgjegjësit e repartit COVID-19 të spitalit “Acquaviva delle Fonti”, në Miulli (Bari), na lajmërojnë gjendja shëndetësore e SH. T., Imzot George Frendo, Arqipeshkëv Metropolit Tiranë-Durrës, është shumë e mirë; ai po shkon drejt rikuperimit gradual si dhe çdo gjë paraqitet e qëndrueshme.

Nga një video-telefonatë e bërë, Imzot Frendo ka treguar se po kalon momente të qeta nën kujdesin e fretërve kapuçin dhe kapelanëve të këtij spitali. Sot ka pasur mundësinë të kremtojë Meshën Shenjte në kapelën e repartit COVID ku ndodhet në këtë spital, së bashku me besimtarë e tjerë që po kurohen nga ky virus.

Imzot Frendo shprehet i padurueshëm për t’u kthyer në përditshmërinë e tij në Arqidioqezë (Tiranë) dhe jetën baritore. Ne vijojmë lutjet që shëndeti i tij të kthehet në normalitet si dhe bashkohemi me lutjen e Kishës që nuk ndalet për të gjithë të prekurit nga Covid-19, e sidomos lutemi edhe për të gjithë stafet mjekësore që po kujdesen me orare të pafundme”, thuhet në komunikatën zyrtare”, shkruhet në njoftim.

Imzot George Frendo pas infektimit me koronavirus, u dërgua të premten në një spital në Itali për trajtim mjekësor të specializuar./ Opinion.al

Pas