Aktualitet

IMT sfidon gjykatën dhe prish murin, drejtori del blof



Bëhu pjesë e Grupit Zyrtar të Opinion.al
>> KËTU <<
               Publikuar në : 21:40 - 15/09/22 |
Opi Nion

Emisioni “Stop” trajtoi këtë të enjte problemin e pronës së qytetarit Pandeli Tarusha, që nga truall u shndërrua papritur në arë.

Gazetarja shkoi te IMT, Bashkia Korçë, për murin e prishur nga Bashkia, pa leje dhe mbi vendimin e gjykatës. Drejtori nuk e pranoi, që ka ndërhyrë, por e tradhton një shkresë e shërbimeve publike.

Gazetarja: Pse del si cub zyre, pse nuk shprehesh tamam ti? Pse duhet të bësh gangon me ne?

Drejtori: Pse po bëj gangon?

Gazetarja: Po mirë mo unë jam gazetare, minimalisht kam ardhur nga Tirana, kam bërë disa kilometra nga Tirana në Korçë dhe ti më përgjigjesh mua kështu? Meqë u prish muri normalisht, logjikisht nga IMT-ja prishet.

Drejtori: Muri u prish dhe u ndërtua nga i ati i zotërisë.

Gazetarja: Kush e prishi? Se e morëm vesh kush e ndërtoi?

Drejtori: Po nuk e dimë bre kush e prishur. Nuk e kemi prishur ne murin.

Gazetarja: Po kush e ka prishur?

Drejtori: Nuk e di bre tashi!

Në zyrën e Kadastrës, titullari tha se është bërë një gabim, ndërsa specialisti ia hedh fajin një ish-punonjësi hipoteke, që ka bërë regjistrimin gabim.

Drejtori: Është gabim!

Gazetarja: Po!

Drejtori: Arë” në “Truall”, gjë që duhet verifikuar. Duhet parë mbi bazën e dokumenteve.

Gazetarja: Si mund ta rishikojmë rastin?

Drejtori: Ja mo, që tani! Që tani do t’ua jap punonjësve dhe besoj, që nesër mund të kesh një…

Gazetarja: Përgjigje…!

Drejtori: Po, besoj, që po…!

Specialisti ASHK: Gabimisht ato personat, që e kanë hapur, është hapur truall, por ai personi, që e lëshon atë certifikatë është në burg, sepse nuk mund të vazhdojmë një gabim, që ka bërë një person.

Gazetarja: Nuk ia ka vënë një specialist i thjeshtë. Me certifikatë pronësie të pajis një titullar institucioni.

Specialisti ASHK: Titullari i institucionit nuk ka kohë dhe nuk ka as mundësi fizike, t’i kontrollojë të gjitha çfarë bën, sepse këtu janë 30 punëtorë.

Gazetarja: Për këtë arsye është titullar ai, që t’i kontrollojë ai.

Specialisti ASHK: Po, po!

Gazetarja: Është gjë tjetër kur personi i ka bërë më manipulime , është gjë tjetër kur i ka kthyer përgjigje lapsus, se lapsus…

Specialisti ASHK: Lapsus, nuk i ka kthyer.

Gazetarja: Tani kam kthim-përgjigje nga Kadastra ku thotë, ish-Hipoteka ka bërë një lapsus, nga arë e ka nxjerrë në truall.

Specialisti ASHK: Po pra, nuk e ka bërë hipoteka, e bën regjistrimi fillestar. Tani, ça të them unë tani?

Gazetarja: Qytetarë ça të bëjë tashi?

Specialisti ASHK: Qytetari ta ndjekë në rrugë ligjore! Nëqoftëse një institucion tjetër del me konkluzionin, se kjo pasuri në bazë të dokumentacionit të origjinës, është truall, atëherë jemi gabim ne dhe do ta korrigjojmë, dhe do të mbajmë përgjegjësi ne si zyrë!

Për këtë situatë, Pandeli Tarusha ka bërë kallëzim në prokurorinë e Korçës për Bashkinë, IMT-në dhe ASHK-në, por ka një vit që nuk merr përgjigje.

Prokurorisë Korçë i jam drejtuar më 26 Tetor 2021”, tha Tarusha.

Gazetarja pyeti prokurorin e çështjes, Orgent Eminaj, i cili ka 11 muaj, që nuk njofton qytetarin, por ai mjaftohet të thotë, së çështja është në hetim.

Jam Odeta, jam një gazetare nga emisioni “Stop”. Më datë 6.10.2021 Pandeli Arqile Tarusha ka nisur një kallëzim dhe ju jeni prokuror i çështjes. Tani sot në 6.9.2022 nuk ka marrë ende një përgjigje.

Prokurori: Me sa dimë është në hetim e sipër.

Të lutem, minimalisht pasi unë si qytetar të dërgoj një shkresë, minimalisht ju si prokuror mund të ktheni një përgjigje brenda mundësive tek ai afati 15 ditor.

Prokurori: Po patjetër! Po në dijeninë time, po në dijeninë time, unë e di, që i janë kthyer, sepse më ka ardhur dhe unë i jam kthyer.

Nuk ka përgjigje.

Prokurori: Shiko! Në momentin, që nuk ka një vendimmarrje nga ana e prokurorit, do të thotë, që çështja është në hetim.

Mund t’i kthesh edhe një përgjigje që çështja është në hetim, ama i kthehet një përgjigje qytetarit.

Prokurori: Po pra, po të them, që është në hetim patjetër. Çështja është në hetim, sepse përderisa nuk ka njoftuar për përfundim hetimi, çështja është në hetim.

Jo, jo se këtë nuk e hamendëson qytetari, nuk duhet ta dijë me patjetër që është nën hetim se edhe mund të mos jetë marrë çështja.

Prokurori: Bëni një kërkesë dhe të përgjigjem zyrtarisht!

Po më fal të rri dhe unë me një vit kthim përgjigje pastaj apo mua do ma kthesh brenda 15-ditëshit?

Prokurori: Jo! Atëherë do ta shikojmë!

Duke qenë se ka mbushur 11 muaj mund t’i kthesh një përgjigje?

Prokurori: Po, do ta kem parasysh!/ Tv Klan

Pas