Në seancën e sotme plenare hidhet për votim projektligji “Për disa ndryshime në ligjin nr. 10.463, datë 22.9.2011 “Për menaxhimin e integruar të mbetjeve”. Nisma ligjore e shumëdebatuar kërkon votim me shumicë të thjeshtë. Sakaq para parlamentit, sot në orën 10:00 është thirrur një protestë nga Aleanca Kundër Importit të Mbetjeve.
“Do te mblidhemi ne nje proteste te kundershtojme fuqimisht miratimin e ligjit qe do ta kthente Shqiperise ne nje Kazan te Plehrave te Botes”, thuhet në deklaratën e tyre. “Kjo nuk eshte beteje e nje grupi ambjentalistesh, por e te gjithe qytetareve shqiptare qe e duan Shqiperine te paster dhe te shendetshme per ta dhe brezat qe do vijne me pas”, vijon më tej kjo organizatë.
