Dhjetëra mijëra njerëz janë detyruar të lënë shtëpitë e tyre dhe të braktisin pushimet në ishujt grekë, duke përfshirë Rodosin dhe Korfuzin, ndërsa zjarret u përhapën në të gjithë rajonin.
Në Rodos, një territor goxha i konsiderueshëm është djegur në mes të ishullit deri në qytetin jugor të Kiotari.
Pamjet satelitore tregojnë shkallën e dëmtimit në resortin popullor të pushimeve.
Flakët kanë shkatërruar shumë shtëpi dhe biznese në qytet.
Imazhi para dhe pas që tregon një kafene të djegur në Kiotari
Zjarret kanë nisur që nga java e kaluar në Rodos, ku temperaturat kanë arritur në 45 gradë Celsius
Harta e zjarreve në Rodos
Më shumë se 20,000 njerëz janë larguar nga flakët në ishull që nga fundjava, evakuimi më i madh ndonjëherë i Greqisë nga zjarri.
Zjarri që digjet pranë fshatit Asklipieio, në ishullin Rodos
Rreth 16,000 njerëz janë transportuar përmes tokës dhe 3,000 të tjerë janë evakuuar nga deti, thotë policia. Të tjerëve u është dashur të largohen në rrugë tokësore ose të përdorin transportin e tyre.
Strehimet e përkohshme të mijëra turistëve kanë qenë stadiumet sportive përpara se të merrnin aeroplanët e emergjencës të vendosura nga kompanitë e udhëtimit.
Turistët të strehuar në një stadium pasi janë evakuuar pas një zjarri
Por me Greqinë në mes të një periudhe të gjatë të nxehtit ekstrem që ka rritur rrezikun e zjarreve në të gjithë vendin, Rodosi nuk është i vetmi vend që është prekur.
Kryeministri grek Kyriakos Mitsotakis thotë se vendi është “në luftë” me zjarret dhe paralajmëron se përballet me “tri ditë të tjera të vështira përpara”.
Ministri i Mbrojtjes Civile Vassilis Kikilia thotë se ekuipazhet e zjarrfikësve kanë luftuar më shumë se 500 zjarre në të gjithë vendin gjatë 12 ditëve të fundit – përfshirë në Midea në kontinent.
Imazhi para dhe pas që tregon një zonë të djegur rreth një shtëpie në Midea
Zjarrfikësit thonë gjithashtu se situata në Korfuz dhe Evia nuk është plotësisht nën kontroll.
Harta që tregon zjarret në Korfuz dhe Evia
Imazhi satelitor tregon tymin nga zjarret pranë Kassiopit në Korfuz
Dhe Kreta, më i madhi nga ishujt grekë, është vënë gjithashtu në gatishmëri të lartë për shkak të një rreziku ekstrem zjarri.
Situata në Greqi është rezultat i një valë të nxehti në të gjithë Evropën Jugore dhe Afrikën Veriore që ka ndihmuar në krijimin e kushteve të thata dhe gjithashtu ka shkaktuar zjarre në Siçili, Kroaci, Algjeri dhe Tunizi.
Harta që tregon rrezikun e zjarrit në Evropën Jugore dhe Afrikën Veriore
Situata do të kishte qenë “praktikisht e pamundur” pa ndryshimet klimatike të shkaktuara nga njerëzit, thonë shkencëtarët, duke shtuar se kjo e ka bërë valën e të nxehtit në Evropë 2.5 gradë më të nxehtë.
Më shumë se 40 persona kanë vdekur në Algjeri, Itali dhe Greqi si pasojë e zjarreve – shumica, 34, në Algjeri./Opinion.al
