Imami dhe teologu musliman Elvis Naçi ka bërë një deklaratë që ka ndinjuar mjaft gra. Rrjetet sociale kanë shpërthyer kundër tij, pasi ligjërata u soll në vëmendje nga dy personazhe të njohura, këngëtarja Barbana Dini dhe gazetarja Fatma Haxhialiu.
Çfarë thotë imami për jetën bashkëshortore?
“Bashkëshorte e vërtet është ajo që kur e shikon bashkëshortin gëzohet, e pret me kënaqësi. Nëqoftëse ti e pret burrin ashtu siç je ngritur nga gjumi, ai do hapë sytë tek gratë e huaja. Nëse do bashkëshorti të afrohet tek bashkëshortja në darkë dhe ajo nuk afrohet, engjujt e mallkojnë deri në mëngjes.
Duhet femra të jetë e rregullt me bashkëshortin fiziologjik që të mos vuajë shoqëria nga imoraliteti. Prandaj dhe engjëjt që nuk e duan imoralitetin në shoqëri mallkojnë atë femër që si jep hakun bashkëshortit gjatë natës. Femra duhet të ketë kujdes, duhet të zbukurohet, të jetë afër tij. Nëqoftëse bashkëshorten e sheh një herë në muaj ka mbaruar familja vetë. Po shkoi një femër 150 kile, ah mbaroi familja. Nëse ju nuk e mbani veten, s’ka gjë ka të tjera…”, predikon imami.
Në përgjigje të kësaj deklatare shokuese, Barbana Dini shkruan:
“Elvis Naçi më zhgënjeve! Ti nuk je asgjë tjetër përveçse një avokat i meshkujve që tradhtojne! Ti nuk bën asgjë më shumë, vetëm po përpiqesh që fajtorët t’i kthesh në viktima dhe viktimat ne fajtor! Në bazën e harmonisë së një familjeje nuk mund të jetë dieta dhe kthimi i gruas në skllave seksi për burrin. Femra që predikon ti nuk ka lidhje me Shqipërinë. Ky tip femre që duhet ti “bindet” verbërisht burrit dhe të ndihet gjithmonë fajtore gjendet në shkretetirat e Arabisë Saudite e tufëzuar në poligaminë e Beduinëve! Këtu tek ne marrëdhëniet ndërtohen mbi dashuri reciproke, që nënkupton dhe detyrimin reciprok por ti s’mund ta kuptosh sepse fjala dashuri nuk egziston në terminologjinë e Sheriatit sipas të cilit femra blihet si një plaçke gabi. Meqënëse, mesa kam parë, paske vendosur që ta zhvillosh predikimin tënd ne rrjetet më moderne sociale të kohës Facebook apo Instagram do dëshiroja që dhe interpretimet e tua ti përshtateshin nivelit të kohës”, shkruan Barbana.
Ndërsa Fatma Haxhialiu shkruan:
“Pra po të tradhëtoi burri je e shëmtuar, e pambajtur, e shëndoshë, mirë ta bën se nuk pranon të përdhunohesh dmth të bësh seks edhe pa dëshire, se atij i bëhet mooo e ka fiziologjikeee. Është faji yttt femër. Ndërkohe burrit i lejohet të jetë obeze, të vijë era derr, të mos e kontrolloj dot mikun në pantallona, se burrë është. Dhe nëqoftëse të tradhëton e ke bërë ti që të të tradhëtojë, se s’ke ditur me e mbajt dhe të kanë mallkuar dhe engjejt se ke mbjell shthurrje, duke mos ja lënë burrit. Kot një pyetje, nëqoftëse tradhëton gruaja? Hahahahaaa ok qesha shumë, se normal do vritet me gur, lavirja bishtperdredhur”.
Por Elvis Naçi nuk ka qëndruar në heshtje ndaj kritikave.
Përmes një statusi në facebook paraditen e sotme ai shprehet: Të nderuar vëllezër dhe motra kemi nevojë si Shqiptarë të jemi më të bashkuar se kurrë, përçarja dhe nxitja e urrejtjes nuk i shërben askujt, si detyrim moral kam sqarimin e qartë të videos që u keqkuptua nga disa dëgjues! Shpërndajeni ta degjojnë të gjithë!
Por nëse bëjmë një krahasim mes videos që imami ka postuar para disa muajsh dhe asaj që hedh sot nuk janë të njëjta.
*Degjojeni ligjeraten e imamit (video e disa muajve më parë) per menyren se si duhet te sillet gruaja para burrit; per engjejt qe sipas tij e mallkojne nese nuk i ploteson deshirat seksuale burrit dhe per mbipeshen si faktor tradhtie….
*Videoja e postuar sot nga imami në facebook, ku hiqen deklaratat per tradhtine dhe mbipeshen e grave….
