Imamët kërcënojnë gjyqtaren: “Do të të vijë radha…”

TIRANË- Tensione në sallën e gjyqit në Gjykatën e Krimemeve të Rënda. Imamët e akuzuar se kanë rekrutuar ushtarë për ISIS në Irak kanë kërcënuar gjyqtaren gjatë seancës së radhës në ngarkim të tyre. Ka patur debate të ashpra sot (e martë) mes të pandehurve, prokurorit të çështjes dhe trupës së gjyqtarëve. Debati ka nisur kur i pandehuri Bujar Hysa ka refuzuar avokatin e caktuar kryesisht nga gjykata. I pandehuri Hysa ka replikuar ashpër me prokurorin, por edhe me kryesuesen e trupit gjykues, Liljana Baku. “Do të vijë radha edhe ty”, i është drejtuar gjykatëses. Kjo ka bërë që seanca të shtyhet për të martën e ardhshme.