Reagimi i dytë: Presidenti i Republikës, Sh.T.Z Ilir Meta u bën sërish thirrje qytetarëve të distancohen nga aktet e dhunshme dhe nga individët, të cilët rrezikojnë policët.
***
Presidenti Ilir Meta kërkon që të gjithë të ruajnë qetësinë në protestën e opozitës. Në një reagim për mediat thuhet se kreu i shtetit është duke ndjekur me shumë shqetësim protestën e opozitës dhe u kërkon të gjithëve të ruajnë qetësinë.
Po ashtu Meta thekson se duhet të evitohen aktet e dhunës dhe konfrontimet, që mund të shkaktojnë lëndime në njerëz dhe dëme ndaj institucioneve.
Reagimi erdhi pas përplasjeve në protestën e opozitës, ku disa protestues kanë hedhur bomba molotov dhe i kanë vënë flakën derës së Kryeministrisë dhe godinës së kryesisë së Kuvendit, ndërsa të tjerë janë përleshur me policinë për të çarë rrethimin./ Opinion.al
