“Përballje titanësh në sallën e gjyqit”.
Kështu u shpreh gazetarja e Klan News për seancën që po zhvillohet ndaj Ilir Metës, Monika Kryemadhit, Pirro Xhixhos e Ema Çokut.
Sipas asaj që ka mësuar gazetarja, ish-Presidenti është në gjyq përballë kreut të SPAK, Altin Dumani dhe prokurorëve Arben Kraja e Sotir Kllapi.
Të tre ata janë prokurorë që kanë hetuar dosjen ndaj tij.
“Pritet të jetë një përballje, nëse mund ta quajmë, titanësh, mes Ilir Metës, i cili herë pas here që nga konferencat e tij për shtyp që nga hera e fundit kur u thirr në dyert e Prokurorisë së Posaçme ashpërsoi retorikën e tij në drejtim të kreut të SPAK, Altin Dumani, njëherazi prokuror i çështjes. I ka kërkuar disa herë dhe e ka sfiduar zotin Dumani për t’u përballur me të në televizion për të dhënë argumentet e tyre se kush ka të drejtë në lidhje me këtë çështje. Kjo përballje tashmë do të jetë në sallën e gjyqit”, tha gazetarja.
Ndërkohë “arbitër” i kësaj çështje do të jetë gjyqtari Erjon Çela.
Ai do të vendosë nëse Meta do të qëndrojë në burg apo do të japë një masë më të lehtë.
