Kryetari i Partisë së Lirisë, Ilir Meta, është paraqitur të mërkurën në Prokurorinë e Posaçme Kundër Korrupsionit dhe Krimit të Organizuar.
Sipas News 24, Meta është thirrur për të dëshmuar për hetimin e dosjes CEZ-DIA. Në prill të këtij viti, SPAK ka vendosur të rihapë dosjen CEZ-DIA. Për këtë çështje Kastriot Ismailaj rezulton i dënuar me 11 vite burg.
Rihapja e hetimit erdhi pas një kallëzimi në SPAK nga Partia Socialiste.
Çështja i ka fillesat në vitin 2009, kur OSSH shiti 75% të aksioneve tek CEZ-DIA, gjatë qeverisjes së kreut të PD Sali Berisha, ndërsa në vitin 2013, kur socialistët morën pushtetin, u bë ndërprerja e kontratës pasi u cilësua abuzive.
Prishja e kësaj marrëveshje, u bë me argumentin se CEZ nuk kishte bërë asnjë prokurim për të importuar energji elektrike në vjeshtën e 2012, dhe në këto kushte e gjithë kërkesa për energji elektrike përballohej nga rezerva e kaskadës se Drinit.
Ndërkaq, emri i Metës lidhet me faktin se sipas ish-shefit ekzekutiv të CEZ, Jozef Hejsek, ka rekomanduar Kompaninë e Kastriot Ismailaj i dënuar me 11 vite burg, për të mbledhur borxhet e vjetra për për llogari të CEZ. Po ashtu dyshohet se Meta ka zhvilluar takime me Kastriot Ismailajn.
Prokuroria ka bërë me dije në 12 dhjetor të vitit 2015, se nga tёrёrёsia e tё dhёnave tё administruara gjatё hetimit tё kёtij proçedimi penal arrihet nё konkluzionin se qёllimi i shtetasit Kastriot Ismailaj nuk ka qёnё mbledhja e borxhit tё shoqёrisë dhe as kryerja e ndonjё pune reale, por vjedhja e parave tё shoqёrisё “CEZ Shpёrndarje”./Opinion.al
