Edhe kreu i Kuvendit, Ilir Meta është përfshirë në debatin për ligjin e arsimit. Ai, sikurse bashkëshortja e tij, Monika Kryemadhi, ka folur me rezerva ditën e sotme për reformën në arsim.
Sipas tij, nuk është arritur suksesi i pritur nga ajo reformë. “Nuk kemi arritur suksesin që prisnim me ligjin e arsimit.
Ne bëjmë ligje të mira, por çalojmë në zbatim. LSI ka në plan programe të tjera arsimore. Duhet më shumë vëmendje për arsimin parashkollor”, tha Meta.
Kreu i LSI-së, shoqërohej nga dy ish-rektorët, Shezai Rrokaj dhe Jorgo Kacani, i cili mori pjesë në një event me studentë dhe gjimnazistë në Tiranë, ku prezantoi programin e LSI për arsimin.
