TIRANE- Kreu i Kuvendit, Ilir Meta në një reagim nisur për mediat lidhur me incidentin e rendë ku u përfshi deputeti i mazhorancës, Armando Prenga tha se ai duhet të dalë drejtësisë dhe të përballet me ligjin. Cka do të thotë se nëse prokuroria do të kërkojë heqjen e imunitetit të Prengës për llogari të hetimeve, Kreu i Kuvendit do të shprehet pro.
Deklarata e Metës
Zyra e Shtypit pranë Kryetarit të Kuvendit informon se pasi është njohur me ngjarjen e mbrëmjes së djeshme në Laç, gjatë së cilës mbetën të lënduar disa shtetas, si dhe deklaratën e Policisë së Shtetit mbi rrethanat dhe personat e përfshirë në të dhe ndalimin nga organet e zbatimit të ligjit të deputetit, z. Armando Prenga, Kryetari i Kuvendit, z. Ilir Meta kërkon nga institucionet përgjegjëse zbardhjen e menjëhershme të saj si dhe vendosjen përpara ligjit të personave përgjegjës.
