Mbrëmjen e djeshme, Kombëtarja Shqiptare e ka përfunduar ndeshjen me një barazim pa gola kundër Jordanisë. Pas përfundimit të takimit tranjeri Panucci ka refuzuar të flasë. Edhe pse moderatoja sportive Ilda Bejleri po e priste atë për intervistë.
Ajo, e acaruar, në lidhjen direkte me studion e ka cilësuar veprimin e trajnjerit të Shqipërisë si arrogant dhe aspak korrekt.
Gjithashtu, ish-tranjeri i Kombëtares, Astrit Hafizi u shpreh se ky veprim i Panucci-t ishte i pavend.
“Të gjithëve nuk na pëlqen të flasim kur punët nuk janë mirë, ndërkohë që jemi të detyruar të respektojmë mediat dhe opinionin publik. Sjellja e trajnerit është e papranueshme. Ai e nënvelërson shumë Shqipërinë dhe teksa u kërkon lojtarëve të jenë profesionistë, për vete jep shembullin e kundërt. Tërësisht e papranueshme kjo sjellje. Nuk e kam parë në asnjë vend”, – ka përfunduar Hafizi duke folur për “Supersport”.
