Një 37-vjeçare ka tentuar të djegë një farmaci në rrugën ‘Luigj Gurakuqi’, pasi pretendonte se ilaçet që kishte blerë aty i kishin shkaktuar probleme shëndetësore.
Uniformat blu bëjnë me dije se kanë ndaluar shtetasen M.K. 37 vjeçe, pasi ka tentuar të djegë një farmaci, duke i hedhur lëndë djegëse por nuk i vuri flakën, për arsye që ende nuk janë bërë të qarta.
37-vjeçarja banuese në Tiranë është filmuar nga kamerat e sigurisë dhe më pas është vënë në pranga.
Në cilësinë e provës materiale u sekuestruan një bidon me lëndë djegëse dhe një aparat celular.
“Specialistët për Hetimin e Krimeve të Komisariatit të Policisë Nr. 1, pas njoftimit se ishte tentuar të digjej me lëndë djegëse, një farmaci në rrugën “Luigj Gurakuqi”, kanë organizuar dhe finalizuar operacionin policor të koduar “Pretend”, për zbardhjen e kësaj ngjarjeje.
Si rezultat i këtij operacioni u identifikua dhe u ndalua shtetasja: M.K., 37 vjeçe, banuese në Tiranë.
Nag veprimet hetimore dyshohet se kjo shtetase ka tentuar të djegë një farmaci, në rrugën “Luigj Gurakuqi”, duke i hedhur lëndë djegëse, me pretendimin se ilaçet që kishte blerë në këtë farmaci i kishin shkaktuar probleme shëndetësore.
Në cilësinë e provës materiale u sekuestruan një bidon me lëndë djegëse dhe një aparat cellular”, tha policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./Opinion.al
