Biznesmeni amerikano-libanez, Faad Mitri do të kthehet në Shqipëri vetëm pak javë pasi u largua nga Shqipëria me barelë. Nëna e tij, që jetonte në Shqipëri, ka humbur jetën. Ai do të jetë nesër në Tiranë pikërisht për ti dhënë lamtumirën nënës së tij. Ceremonia e lamtumirës zhvillohet nesër në orën 11:00 në Kishën Orthodhokse në Tiranë, raporton BW.
Biznesmeni libanez 55-vjeçar, u përplas fillimisht me makinë, ndërsa udhëtonte me familjen në rrugën e Rinasit dhe më pas u dhunua barbarisht nga 3 persona. Një prej autorëve të dyshuar është vënë në pranga. Sipas policisë, krimi pati si motiv konfliktin e pronësisë pikërisht për tokën tek Gjiri i Lalëzit.
Kompania e tij, Omnix Albania u tërhoq nga ndërtimi i kompleksit turistik në gjirin e Lalzit dhe nga çdo investim tjetër në Shqipëri. Ajo u shpreh se akti i rëndë kriminal ja ka dalë që të rrënojë përpjekjet e Omnix Albania përgjatë këtyre viteve. Sipas kompanisë, ky projekt gjigand synonte të hapte rreth 1200 vende pune deri në vitin 2018.
