Ylli i kinemasë franceze, aktori i njohur Alen Delon do të nderohet me “Palmën e Artë” në edicionin 72-të të Festivalit të Kanës, i cili do të mbahet në datat 14 deri në 25 maj.
Akordimi i këtij çmimi për Delon është konfirmuar zyrtarisht në prag të prezantimit të programit të këtij festivali.
Delon, tashmë 83-vjeçar do të nderohet me “Palmën e Artë” për shkak të interpretimeve dhe personazheve që ka sjellë në kinematografinë franceze.
Ai numëron 95 role, 30 filma si producent dhe 3 filma të tjerë si regjisorë. Dalja e tij e parë daton në vitin 1957 me “Godot”.
Ndërsa interpretimi i tij i parë që i dha famë ishte roli i të riut Tom Ripli në filmin “Krim në dritë dielli”. Përveç talentit dhe krijimtarisë artistike kujtojmë se Delon ka patur dhe një jetë personale plot ‘aventura’, histori të shumta dashurie dhe 8 fëmijë, njërit prej të cilit nuk ka pranuar t’i japë atësinë./Opinion.al/
