Inspektorati i Kontrollit dhe Mbrojtjes së Territorit ka rinisur aksionin në terren për prishjen e 6 objekteve në ndihmë të projektit të Lungomares në Vlorë.
Objektet e planifikuara për tu prishur janë banesa 1 dhe 2 katëshe. Por, aksioni i kësaj të hënë hasi në rezistencën e banorëve. Për këtë është dashur ndërhyrja e policisë.
Banorët pretendojnë një dëmshpërblim më të madh për pronat e tyre.
Një javë me parë IKMT-ja iu la 5 ditë kohë familjeve të boshatisnin banesat. Aksioni ka nisur edhe në zonën e plazhit të vjetër për t’i hapur rrugë projektit. Në këtë zonë është parashikuar të prishen 10 objekte dhe disa mure rrethues.
Tv Klan
