KQZ ka njoftuar nesër në mesditë mbledhjen për dhënien e mandateve dy deputetëve të rinj të Vlorës. Ata zevendësojnë Dashamir Tahirin dhe Shkëlqim Selamin të cilët u larguan me ligjin e dekriminalizimit. “Sipas procedurave ligjore, dy deputetët do të zëvendësohen nga emrat që vijnë në radhë nga listat partiake”, thotë KQZ-ja. Në listat e LSI-së, në qarkun e Vlorës pas Selamit rezulton të jetë Flamur Çelaj, i cili aktualisht mban postin e drejtorit ekzekutiv të Autoritetit të Aviacionit Civil.
Por, Çelaj mund të leshoje vendin Katina Gogas, e cila është e 3-ta në listën e kandidateve per deputetë të LSI në Qarkun e Vlorës, për shkak se ligji parashikon më shumë përparësi për gjininë femërore.
Ndersa, deputeti Dashamir Tahiri i zgjedhur në Qarkun e Vlorës nga listat e PDIU, do ti lërë mandatin e deputetit Edmond Zejnos. Me shtimin e një deputeti të PDIU-së në parlament shtohet numri për mazhorancën dhe pakësohet për opozitën, pasi Tahiri ishte bërë pjesë e grupit demokrat.
