Mbyllet programi 3-vjeçar i bashkëpunimit të qeverisë shqiptare me Fondin e Monitorimit Ndërkombëtar (FMN). Anita Tuludhar, përfaqsuese e FMN në Shqipëri, u shpreh se programi 3-vjeçar në Shqipëri ka arritur objektivat kryesore, pavarësisht disa vonesave.
“Duhet përmirësuar administrimi fiskal, duhet zgjeruar baza tatimpaguesve, përmirësimi i mbledhjes se taksës së pronës me bazë vlere, të mbahen nën kontroll detyrimet e reja ndaj bizneseve”, tha Tuladhar gjatë një konference me ministrin Ahmetaj dhe guvernatorin Sejko.
Tuladhar vuri në dukje se nuk do të donte që marrëveshja me qeverinë shqiptare të mbyllej këtu.
“Programi ka qenë i suksesshem. Nuk do përfundoje marrëdhenia jone me autoritetet shqiptare, ajo do të vazhdojë ne formen e monitorimit dhe konsulences. Nëse qeveria do të kërkojë një marreveshe të re pas zgjedhjeve, jemi të gatshëm”, tha ajo.
Dhe menjëherë është përgjigjur, ministri Ahmtaj që e ka siguruar se marrëveshja e re me FMN do të nënshkruhet nga qeveria e re. ““Nuk e lemë FMN të largohet nga Shqipëria. Marrëveshja e re me FMN do të bëhet nga qeveria Rama 2”, tha Ahmetaj, duke artikuluar kështu emrin e Ramës, që sipas tij do jetë sërish kryeministër.
