Sipas të gjitha gjasave, Mauro Icardi sezonin e ardhshëm nuk do të jetë pjesë e Interit. Heqja e titullit kapetin duket se e ka agravuar situatën dhe argjentinasi me shumë mundësi do të largohet nga klubi zikaltër.
Mediat italiane bëjnë me dije se Ikardi mund të shkojë në Spanjë, ku Barcelona dhe Reali janë skuadrat favorite. Meqënëse ikja e tij do të krijojë boshllëk në skuadër, drejtuesit kanë piketuar tre emrat e parë për zëvendësim.
Paulo Dibala, Edison Kavani dhe Duvan Zapata janë ata që pritet të zëvendësojnë lojtarin. Gjithsesi akoma nuk ka asgjë zyrtare kështu që presim të shohim ndryshimet e rradhës tek Interi./E.M
