Igli Tare, drejtori i ri sportiv i Milanit, ka udhëtuar në Leverkusen të Gjermanisë.
Kuqezinjtë duan që të përforcohen në mesfushë dhe emri që bind është ai i Granit Xhakës. Shqiptaro-zvicerani konsiderohet një mesfushor me shumë vlerë, të cilin “Djalli” e do në mënyrë që të rikthehet konkurrues në mesfushë.
Sipas “Gazzetta dello Sport”, klubet kanë nevojë për privatësi në realizimin e akordit.
Milani është gati që të investojë për 32-vjeçarin 10 milionë euro. Mund të tolerojë një sakrificë të vogël ekonomike, por jo më shumë se kaq. Xhaka dallohet për lidershipin, cilësitë dhe eksperiencën në mesfushë. Në sezonin 2023/2024, ai ishte pikë referimi e Leverkusenit që fitoi Bundesligën. 32-vjeçari ka kontratë me klubin gjerman deri në 2028.
Ai do ta pëlqente një kalim te kuqezinjtë, ku do të niste një eksperiencë të re në Serie A. Tare e di mirë se me moshën që ka, ai është një futbollist tepër i vështirë për t’u shitur, e për këtë arsye nuk ofron më shumë se 10 milionë euro.
Por këtë gjë e dinë edhe te Leverkuseni, që ka kërkuar kohë të mendohet mirë, përpara se të marrë vendimin përfundimtar për lojtarin. Klan News
