Ministri për Europën dhe Punët e Jashtme, Igli Hasani ka zhvilluar një bisedë telefonike me homologun e tij të Ukrainës, Andrii Sybiha.
Nëpërmjet një postimi në rrjetet sociale, Hasani shkruan se gjatë bisedës ai ka uruar Sybiha për detyrën e tij si ministër i jashtëm, pas largimit nga kjo detyrë të Dmytro Kuleba.
Ministri Hasani thotë se ka rikonfirmuar angazhimin e Shqipërisë për integritetin territorial, sovranitetin dhe pavarësinë e Ukrainës.
“Zhvillova sot një bisedë telefonike me homologun tim ukrainas, Andrii Sybiha. E urova ngrohtësisht dhe i shpreha mbështetjen time të plotë, teksa ai merr pozicionin e tij si Ministër i Jashtëm gjatë këtyre kohërave sfiduese. Rikonfirmova angazhimin e palëkundur të Shqipërisë për integritetin territorial, sovranitetin dhe pavarësinë e Ukrainës”,-shkruan Hasani.
