Kreu i PDIU Shpëtim Idrizi, pas takimit në tryezë me krerët e tjerë të partive parlamentare, u shpreh gjithashtu pro paketës McAllister+, e cila tha ai e ka të përcaktuar datën e zgjedhjeve, 16 korrikun.
Teksa marrëveshja politike duket larg, Idrizi jep një dritë jeshile kur tha se Rama dhe Basha janë të përgjegjshëm ndaj edhe ishte shpresëplotë për rezultatet e takimit të tyre kokë më kokë.
Ai tha se kishte besim se do të kishte një përfundim pas takimit kokë më kokë të dy krerëve të partive të mëdha.
“U zhvillua një diskutim racional i munguar. Paketa McAllister e ka datën e zgjedhjeve në 16 korrik. Të gjejmë gjuhën e përbashkët,nuk jemi larg. Jam shpresëplotë për takimin kokë më kokë Rama-Basha. Rama e Basha të jenë të përgjegjshëm”, tha ai për mediat.
