Kreu i PDIU-së, Shpëtim Idrizi në një dalje për shtyp ka folur për vrasjen e ekstremistit grek.
35-vjeçari Konstantinos Kacifa u vra në fshatin Bularat të Gjirokastrës. Ai qëlloi me armë në ajër e më pas drejt makinës së pilicisë. Idrizi kërkon që SHISH dhe prokuroria të ngrejnë alarmin, për persona që tregojnë hapur që janë ushtarë të Vorio-Epirit.
Ai kërkon gjithashtu që shteti shqiptar të kërkojë llogari për protestën para ambasadës. Idrizi kërkon një hetim zyrtar dhe për fondet sekrete greke nga buxheti i Ministrisë së Jashtme.
Ja deklarata e plotë:
Ky është rasti për të ngritur alarmin për institucionet e sigurisë kombëtare, SHISH, prokurorinë etj. Sepse si është e mundur që persona të tillë që në profilet e tyre e tregojnë haptas që janë ushtarë të Vorio Epirit, nuk ndalohen.
Unë sot dua të bëj dy pyetje për ministrinë e Brendshme dhe SHISH.
A janë ndaluar më 25 tetor nga policia e shtetit në pikën e Kakavijës anëtarët e Bandës së Vorio Epirit, shtetasit grek Mondis Kokalios dhe Theodhoros Asvestopulos përreth 4 orë, a janë ndaluar më pas këta shtetas me ndërhyrjen e konsullit grek të Gjirokastrës.
PDIU i bën thirrje ministrisë së Jashtëm të kërkojë urgjentisht nga autoritetet greke shpjegime për ngjarjen e djeshme. Veprimtarinë e organizatave terroriste të Vorio Epirit në Greqi, sic e pamë edhe dje në aktivitetin e dhunshëm përpara ambasadës shqiptare në Athinë, ku protestohej me flamur të Vorio Epirit.
Ministria e Jonë e Jashtme duhet të kërkojë shpjegime urgjent nga shteti grek dhe për financimet sekrete të ministrisë së Jashtme. Standard që nuk ekziston në diplomacitë perëndimore. PDIU do të kërkojë zyretarisht që prokuroria të hapë hetimet për fondet sekrete greke për të cilën ne po bëjmë gati denoncimin tone.
