Shpëtim Idrizi ishte i ftuar sot në rubrikën “Opinion” në “Neës 24”. Kreu i PDIU-së ka komentuar ndër të tjera marrëveshjen mes Ramës dhe Bashës si edhe vendimin për të garuar vetëm në zgjedhjet e 25 qershorit, ishte një vendim i marrë nga vetë PDIU-ja.
“Kjo fushatë ka shumë të veçanta dhe për shkak të mënyrës si rrodhën ngjarjet për shkak edhe të opozitës që rrezikoi të mos futej në zgjedhje. Dukej sikur kjo krizë u përsërit sërish pas 4 vitesh. PDIU propozoi pakt kombëtar dhe fatmirësisht u gjet një konsensus, i cili për nga pikëpamja e futjes së PD në zgjedhje ishte një ogur i mirë për shqiptarët”- tha Idrizi.
“Besoj se është një nga rastet unikale që kemi një qeveri kombinacioni në muajin e fushatës. Ka qenë një kërkesë e PDIU që të garonim më vete. Nuk u bë as numërimi elektronik dhe as reforma zgjedhore. Po gjithsesi u arrit gjeja e mirë që të gjitha palët të shkojnë në zgjedhje. Një rast i mirë për të provuar veten në korsinë e vet”- tha kreu i PDIU.
