Një trup i pajetë është gjetur mëngjesin e së dielës në autostradën Lushnje – Fier. Sipas policisë viktima është 55-vjeçari Albert Bullgari nga qyteti i Fierit.
Para 3 ditësh familja e tij, kishte bërë denoncimin në policia pasi nuk ishte kthyer në banesë.
Paraprakisht, dyshohet se personi në fjalë është vrarë me një plumb pas koke, megjithatë do të jenë ekspertët ata që do të përcaktojnë shkakun e vdekjes.
Ndërkohë policia në një njoftim zyrtar thotë:
“Në datën 29.10.2017, rreth orës 11:00, në tokat e fshatit Kolonjë, Lushnje, në një kanal vaditës, është gjetur nga banorë të zonës një shtetas i vdekur, i seksit mashkull, rreth 65 vjeç”. Grupi hetimor po punon për identifikimin e viktimës dhe zbardhjen e plotë të ngjarjes”.
