“Djali në kuti” ka më në fund një emër. Policia të enjten identifikoi publikisht emrin e djalit të gjetur të vdekur në një kuti në Filadelfia 65 vjet më parë si 4-vjeçari Joseph Augustus Zarelli.
Sipas efektivëve, kjo është një nga vrasjet më të vjetra të pazbardhura të qytetit.
Identifikimi, i bërë përmes analizës së ADN-së, përfaqëson një ndër ngjarjet më të mëdha të zbulumit të hetimeve ndër vite.
CNN raporton se, askush nuk doli kurrë të pretendonte Jozefin si fëmijën e tyre dhe identiteti i tij mbeti një mister pavarësisht përpjekjeve të shumta për ta identifikuar atë gjatë viteve.
Policia njoftoi se e kishte identifikuar me sukses fëmijën përmes punës detektive dhe me ndihmën e gjenealogëve gjenetikë, një fushë që vitet e fundit ka arritur në zbulime të shumta në ‘raste të ftohta’, dhe ribashkoi familjet me të dashurit e humbur.
Ata ruajtën eshtrat e fëmijës për hetim dhe arritën të zbulonin dhe kontaktonin të afërmit e fëmijës, edhe pse pindërit kishin vdekur ndërsa motrat dhe vëllezërit janë ende gjallë.
“Zbulimi sjell shpresë se nuk do të ketë më kurrë një viktimë të paidentifikuar të vrasjes në qytetin e Filadelfias”, tha Komisionerja e Policisë së Filadelfias./Opinion.al
