Është identifikuar dhe është shpallur në kërkim një nga autorët e plagosjes së trefishtë të ndodhur në lagjen “4 vallëtarët” në Ksamil këtë të martë.
Sipas news 24 është shpallur në kërkim Gjergj Arapi 21-vjeç banues në fshatin Shendelli.
Bëhet me dije se 21-vjeçari është me precedentë penale i arrestuar në vitin 2016, pasi në banesë në atë kohë iu gjet një kallashnikov me 56 fishekë.
Ndërkohë ditën e sotme ai ka qenë me disa persona të tjerë kur dhunuan me mjete të forta Adriatik Ahmetin, Flamur Ahmetin, Luli Ahmetin.
Grupi hetimor ndodhet në vendngjarje dhe po punon për identifikimin e personave të tjerë të përfshirë dhe për zbardhjen e rrethanave të ngjarjes.
