Autori i vrasjes së 30-vjeçarit Petrit Biba në Pukë, është identifikuar nga policia. Ai është shtetasi Enderis Dodaj rreth 25 vjeç. I riu është larguar nga vendngjarja prej natës së mbrëmshme.
“BalkanWeb” bën me dije se vrasja e të riut ka ndodhur nga pakujdesia.Viktima dhe autori ishin punonjës në HEC-in e Vrrithit, ndërsa mësohet se ata e mbanin armën pa leje.
Petrit Biba ndërroi jetë mbrëmë, pasi nuk mundi t’i mbijetojë plagëve të marra, edhe pse u dërgua me urgjencë në spitalin e Shkodrës. Policia po punon për kapjen e autorit dhe për zbardhjen e plotë të rrethanave të ngjarjes./E.M
