Identifikohet personi që u gjet i mbytur mëngjesin e sotëm në brigjet e lumit Mat.
Viktima është Agim Cani, 56 vjeç, nga fshati Unjate, me banim në Tiranë.
Trupi i tij është gjetur nga kalimtarët të cilët kanë njoftuar policinë. Fillimisht u mendua se viktima mund të ishte mbytur si pasojë e reshjeve të dendura, ndërsa veprimet e para të kryera nga grupi hetimor kanë hedhur poshtë edhe pistën e ndonjë veprimi kriminal.
Nga hetimet paraprake është mësuar se 56-vjeçari Cani, ishte i divorcuar dhe vuante nga depresioni.
Burime nga policia pohuan se rreth tre muaj më parë ka tentuar të djegë veten me benzinë. Ndërkohë, që shkak i vdekjes së tij ka qenë nga mbytja në lumë. Vijojnë procedurat për zbardhjen e plotë të ngjarjes.
