Identifikohen viktimat e aksidentit të rëndë që ndodhi pasditen e së dielës në Levan. Ata janë Durim Lamaj dhe Fetah Shahaj. Të dy personat që humbën jetën kanë qenë pasagjerë në autobusin që kishte ndaluar në këtë aks rrugor pas një aksidentit të ndodhur aty pak minuta më herët. Në këtë ngjarje janë plagosur edhe 5 persona që po marrin ndihmë në spitalin e Fierit.
Policia ka dhënë informacionin paraprak për ngjarjen, duke qenë se deri në këto momentet informacionet ishin kontradiktore dhe flitej edhe opër 3 viktima.
NJOFTIMI I PLOTË
Në datën 06.01.2019, rreth orës 18:00, në aksin rrugor Levan-Tepelenë, në vendin e quajtur “Varibob”, një automjet ka përplasur një këmbësor.
Në vendngjarje janë grumbulluar disa banorë të zonës dhe pasagjerë të një mjeti tjetër që kishte parkuar aty për të dhënë ndihmën e parë personit të aksidentuar, të cilët janë përplasur nga një mjet tjetër tip “Opel” i cili ka hyrë në parakalim.
Për pasojë kanë ndërruar jetë shtetasit F.Sh, 64 vjeç, banues në Tiranë dhe D.L, 55 vjeç, banues në Vjosë, Fier si edhe janë dërguar në Spitalin Rajonal Fier dhe ndodhen nën kujdesin e mjekëve 5 shtetas të tjerë.
Po punohet për identifikimin e shtetasve të plagosur dhe zbardhjen e plotë të ngjarjes.
