Dy vajzat që kanë ndërruar jetë në aksidentin e ndodhur mbrëmjen e së dielës në Elbasan, kanë qenë të ulura në sediljen e pasme të mjetit. Viktimat janë identifikuar si Lusinda Garunja dhe Xheneta Qallia, nga Shkodra.
Ato udhëtonin së bashku me dy shoqe të tjera në një makinë tip Volksvagen, e cila u godit nga një tjetër mjet tip Mercedes- Benz, ndërkohë që në aksident u përfshinë edhe 3 makina të tjera.
Por përplasja ka rezultuar fatale për mjetin tip Volkksvagen, i cili është shtypur, duke u marr jetën dy prej vajzave që ndodheshin brenda tij, ndërsa dy vajzat e tjera raportohen në gjendje të rëndë.
Është dashur ndërhyrja e zjarrfikëseve që me sharrë elektrike kanë prerë mjetin dhe janë dashur plot 30 minuta për të nxjerrë prej aty të 4 vajzat.
Të katër vajzat kanë dalë me shenja jete dhe janë dërguar në spitalin e Elbasanit, por dy prej tyre nuk kanë mundur të mbijetojnë duke humbur jetën në spital.
Drejtuesja e mjetit ishte shtetasja 26-vjeçare, Denisa Dibra, e cila ndodhet në Spitalin e Traumës në Tiranë. Ne spital ndodhet edhe vajza tjeter, Nervida Garunja.
Shkak i aksidentit dyshohet se ka qenë shpejtësia tej normave të lejuara dhe gjendja e dehur e drejtuesit të mjetit tip “Benzi” Behar Pema, 58 vjeç, i cili ka përplasur nga pas makinën me të cilën udhëtonin vajzat. 58-vjeçari drejtonte mjetin në gjendje të dehur në masën 093 mg/l testi i parë dhe 0.99 mg/ l testi i dytë. Ai është arrestuar nga policia.
Njoftimi i policisë:
Elbasan/ Informacion paraprak
Në aksin rrugor Tiranë-Elbasan, në dalje të tunelit të Krrabës, mjeti tip “Benz”, dyshohet se ka goditur mjetin tip “Volkswagen”, ku udhëtonin 4 shtetase.
Shërbimet e Policisë dhe të zjarrëfikses kanë bërë e mundur nxjerrjen nga mjeti të 4 shtetasve të cilit ishin të bllokuar, të cilat u transportuan menjëherë në spital për ndihmë mjekësore, ku 2 shtetase si pasojë e palagëve të marra kanë ndërruar jetë në spital.
Grupi hetimor ndodhet në vendngjarje dhe po punon për zbardhjen dhe sqarimin e shkakut të aksidentit.
