“Nëse ju zëvendësoni “Kullën Eifel” me statujën time, atëherë unë qëndroj, ju premtoj.” Kështu deklaroi gjiganti suedez i PSG-së, pas sigurimit të titullit kampion në Francë, lidhur me mundësinë e qëndrimit në “Parc de Princes”. Pra, vendosi një “kusht” të fortë e të parealizueshëm dot, në fakt, duke lënë të kuptohet se do të provojë një eksperiencë të re tashmë, me shpresën se me kampionët e “Ligue 1” do të fitojë edhe trofeun që i mungon në karrierë, Ligën e Kampioneve.
Falë Ibrahimovicit, PSG-ja u kualifikua në çerekfinale të garës më të madhe kontinentale për klubet, në kurriz të Chelsea. Mirëpo, deklaratën e Ibrës, ku e krahason veten me “Kullën Eifel”, e kanë parë në këndvështrime të ndryshme. Ca si injorim të simbolit të kryeqytetit francez, ca si mendjemadhësi të suedezit, ca si vetëvlerësim i tepruar.
Ata që kanë qenë kundër e shohin “Kullën Eifel” si hundën e Ibrahimovicit, ngaqë ai shquhet për këtë organ të fytyrës në masë të madhe. Ka pasur frymëzime nga më të ndryshmet, që pasyqohen në mënyrë tepër domethënëse në “memes” qesharake.
