Aktualitet

Ibrahimaj: Plagë është korrupsioni në institucione për konkurrencën e lirë



Bëhu pjesë e Grupit Zyrtar të Opinion.al
>> KËTU <<
               Publikuar në : 11:04 - 09/09/22 |
Opi Nion

Sot Ministrja e Ekonomisë dhe Financave, Delina Ibrahimaj dhe kryeministri Edi Rama kanë zhvilluar një tryezë diskutimesh me Dhomat e biznesit në vend, për të adresuar rekomandimet e tyre për përmirësimin e klimës së biznesit në vend.

Ibrahimaj gjatë fjalës së saj ka renditur disa nga kërkesat e Dhomave, që sipas saj qeveria i ka përmbushur.

Më tej, ministrja deklaroi se korrupsioni në institucionet shtetërore vijon të mbetet problem për konkurrencën e lirë në treg.

“Sigurisht që mbetet ende shumë punë për tu bërë se ka ende teknalitete që duhen sqaruar dhe rregulluar në proces. Një shqetësim i madh i biznesit ka qenë korrupsioni në institucionet shtetërore dhe adresimi i kësaj plage të konkurrencës së lirë. Në fakt qeveria shqiptare ka pësuar një revolucion dixhital në vitet e fundit, duke shmangur prezencën fizike dhe kontaktet me inspektorët. Shumica e shërbimeve tani janë online dhe eliminohet kontakti që biznesi ka me individin. Një plagë tjetër ka qenë sistemi i rimbursimit të TVSH-së. Që nga muaji mars çdo kërkesë rimbursimi bëhet në një proces automatik që s’ka nevojë për shkresa dhe kontakte me agjentët. Sot koha mesatare e rimbursimit është 40 ditë. Doganat janë një tjetër hapësirë që dikur ka qenë e gjitha në letër dhe me kontakt fizik me agjentët doganorë. Tashmë 34 nga shërbimet e doganave kryhen online. Shumë sugjerime nga ana juaj kanë ardhur sa i përket aftësimit të punonjësve”, tha Ibrahimaj.

Pas