Këngëtarja e madhe, Parashqevi Simaku ka dalë nga spitali në Amerikë ku po kurohej për shkak të gjendjes psikologjike. Lajmin e ka bërë të ditur biznesmeni Elton Ilirjani në “Instagramin” e tij, ku thotë se “dashuria shëron”.
Ilirjani ka shpërndarë pamje të Simakut, ku artistja duket më në formë se asnjëherë. Me buzëqeshjen karakteristike, Simaku shfaqet e qetë në imazhet e publikuara në “Instagramin” e Ilirjanit.
Krahas pamjeve të këngëtares, biznesmeni shkuan: Surprizë. Ia dolëm. Kështu doja, dua dhe do të doja të të shikoja gjithmonë zemra ime.
Sjellim në vëmendje se mesin e Janarit, Simaku u shtrua në spital. Biznesmeni Ilirjani tha se duhet të informonte publikun për të vërtetën.
“Përshëndetje, kam shumë emocion për atë që do them në vijim, për qindra e mijëra njerëz që janë të interesuar për gjendjen e Parashqevi Simakut. E kuptoj interesin e publikut dhe e ndjej, sot e ndjej shumë peshën e emocioneve. Sot dua të ndaj të vërtetën me ju, sepse nuk është më një çështje e Parashqevi Simakut, por me interes shumë të madh. Nuk më intereson si do dukem, si do ngjaj… Është e rëndësishme të thuhet një e vërtetë shëruese, jo mediatike. E vërtetë e dalë nga zemra që e do fort Parashqevi Simakun. Ajo ishte si një meteor që më goditi dhe mua, dua t’i them publikut se çështja e saj nuk është çështje që zgjidhet me para. Nesër bën plot dy javë që është e shtruar në spital psikiatrik në New York City. Është shumë e trishtë dhe për mua ka qenë një ndër momentet më të vështira”, tha Ilirjani.
Sipas tij, në aq kohë sa kanë qëndruar bashkë nuk ka arritur ta kuptojë se Simaku kishte nevojë për kurim.
