Kronikë

I zhdukur prej disa ditësh, gjendet i pajetë biznesmeni shqiptar në Greqi



Bëhu pjesë e Grupit Zyrtar të Opinion.al
>> KËTU <<
               Publikuar në : 08:34 - 06/09/22 |
Opi Nion

Biznesmeni Xhani Topalli, i zhdukur që prej datës 28 gusht në Greqi, është gjetur i pajetë në ishullin Rodos. Policia greke ka vënë në pranga autorin e dyshuar të ngjarjes së rëndë. Bëhet fjalë për një pronar hoteli 53-vjeçar i cili  pranoi vrasjen e shqiptarit dhe më pas tregoi para autoriteteve se ku e kishte fshehur kufomën.

Trupi i pajetë i 46-vjeçari Topalli është gjetur në një rrugë të shkretë mes Psinthos dhe Afantos, ndërsa dosja do t’i kalojë sot Prokurorisë për procedim të mëtejshëm.

Sipas mediave greke vdekja është shkaktuar nga mbytja me litar, ndërsa është arrestuar edhe djali i autorit si bashkëpunëtor në ngjarje,  pasi dyshohet se ka ndihmuar të atin në fshehjen e kufomës.

Biznesmeni shqiptar rezultonte i zhdukur që prej datës 28 gusht, kur pati një takim me hotelierin 53-vjeçar nga Kallithea, për t’i shlyer detyrimet sipas një marrëveshjeje që kishin lidhur.

Hotelieri 53-vjeçar në deklaratën e parë që kishte dhënë u kishte thënë autoriteteve se takimi i tyre ishte anuluar. Megjithatë, gjatë hetimeve, provat që dolën nga kamerat e sigurisë treguan të kundërtën.

Biznesmeni duhej të dëshmonte të shtunën para oficerëve grekë, por nuk u paraqit tek autoritetet duke përmendur se një i afërm i tij ishte i sëmurë dhe po trajtohej në spital. Mirëpo, nga hetimet rezultoi se kjo deklaratë ishte e rremë gjë që çoi në shoqërimin e tij nga policia greke.

Gjatë marrjes në pyetje, pronari i hotelit pranoi vrasjen e 46-vjeçarit dhe tregoi se ku e kishte fshehur trupin e 46-vjeçarit shqiptar./Opinion.al

Pas